tg-me.com/HHa19789/784
Last Update:
#تراث
(موشح لسان حال محب الامام الحسين ع)
احسين طعناتك ابگلبي اصوابها
اجروح صدرك مانعـرف احسابها
ــــــــــــــــــــــــــــــــــــــ
اشلون اوصف اجروحك الماتنوصف
يجن عگلي امن ارد اوصـف وختلف
تسعمية اللـــه واكــــبــــر بي والــف
بين طـــــــبــــرات وطـعـــن نشابها
ــــــــــــــــــــــــــــــــــــــ
ياعظم سالـم امن اعضــامه البيه
طبره يو طعنه امن اضلوعه اديه
جسمه ما ينشـاف من كثـر العليه
تنثر زان او شــجــر من احــرابها
ــــــــــــــــــــــــــــــــــــــ
آه وين الشمر گـــــلــــــولـــي ركـب
فوگ صدره احسينها او أثنه الركب
من چفه وجهه او على الغبـره گلب
گـلــب وجه الـــدين صــب اعذابها
ــــــــــــــــــــــــــــــــــــــ
لاتكلفني او تگلـي احچي اشفعل
بالحسين الشمر ياخـذني الوجـل
فصل گلب الدين حين الي فضل
راس ابن حيدر او سيـد اشبابها
ــــــــــــــــــــــــــــــــــــــ
وانتهت يامن تناشــدني اوبس
والامـر عالغـيـر اوعليــه التبس
حمر هب الري واشراگ الشمس
كسف والدنيه لفـاهــا اگـــلابها
ــــــــــــــــــــــــــــــــــــــ
آه والحـســـرات سهمـي والنحيب
وعلى امصـاب البلمهد منه يشيب
وجه ابو السجاد من دمه خضيب
فـــوگ راس الـرمــح يتله اكتابها
ــــــــــــــــــــــــــــــــــــــ
لمن راس احسيـن عالـزان ارتفع
تاج عالــي المجد هبط وانوضـع
هالمصيبه الصبر من عدها جزع
والجزع هيهات يبجدي امصابها
ــــــــــــــــــــــــــــــــــــــ
راس ريحانة الهادي اوسـلوته
اوچبد للزهره اوحيدر مهجته
فوگ راس الرمح لاچن جثته
بالهنادي امــوزع اعله اترابها
للشاعر المرحوم عبود غفله
#اللهم_عجل_لوليك_الفرج
( 22 )
BY تراث القصائد الحسينية
Warning: Undefined variable $i in /var/www/tg-me/post.php on line 280
Share with your friend now:
tg-me.com/HHa19789/784